100.000 porosi per iPhone 5S dhe 5C ne China Unicom

Shifrat e fundit të Apple për iPhone tregojnë një numër të madh të konsumatorëve të kësaj pajisjeje të popullarizuar në Kinë.

China Unicom, që është ofruesi i dytë më i madh i shërbimeve mobile në vend, ka parë më tepër se 100 000 rezervime për dy telefonët e rinj që kur u paraqitën në skenë të Apple në fillim të javës së kaluar, tha Bloomberg të hënën.

Rezervimet kanë arritur atë nivel edhe pse bartësi ende nuk e ka treguar çmimin. iPhone 5C është gati për para-porositje nga e mbarë bota, ndërsa 5S nuk do të jetë në dispozicion deri më 20 shtator. Por rezervimet janë ndryshe nga para-porositjet.

Një rezervim online nuk kërkon para përpara, por i premtohet konsumatorit që telefoni do të jetë në dispozicion më 20 shtator. Në atë datë, konsumatorët mund të vizitojnë një dyqan të Apple në Kinë ose Hong Kong, ku punonjësit do t’i ndihmojnë ata në marrjen e planit të duhur mobil, të hapin e-mailin dhe të transferojnë kontaktet.

Abonentët e China Telecom të cilët blejnë njërin nga dy telefonët e rinj do të duhet të luftojnë me një ndihmës pak më të ulët. Një plan mujor që kushton 47 dollarë për iPhone 5S ofron një ndihmesë prej 472 dollarë, 15 për qind më pak se 555 dollarë për iPhone 5 nën të njëjtin plan, tha analistja nga Hong Kongu për Bloomberg, Eva Yip.

Bartësi mik i China Telecom do të ofrojë iPhone 5C dhe 5S me ulje prej 733 dollarë, respektivisht 864 dollarë. Telefonat janë falas për abonentët të cilët nënshkruajnë për një kontratë dy vjeçare me një plan minimal mujor pagimi prej 53 dollarë për 5C dhe 63 dollarë për 5S, shtoi Bloomberg.

China Mobile ende nuk ofron iPhone. Por raportet më të fundit thonë që Apple mund të jetë afër në arritjen e një marrëveshjeje me bartësin më të madh të vendit.

Vodafone kërkon të blejë Kabel Deutschland për 10 miliardë $

Vodafone është afër finalizimit të blerjes së Kabel Deutschland, operatori kabllori më i madh në Gjermani për 10 miliardë $.

Sipas lajmit të publikuar thuhet se kompania ka arritur mbështetjen e 75 % të aksionerëve. Vodafone pret ta përfundojë këtë blerje në fund të muajit shtator, edhe pse marrëveshja duhet të marrë votëbesimin nga Komisioni Europian.

Duke blerë Kabel Deutschland , Vodafone pretendon të jetë më konkurruese në tregun gjerman duke kombinuar përhapjen fikse, mobile dhe abonimet e televizorit, tha gjatë prezantimit të planit në qershor.

Një blerje e suksesshme do ti ofrojë Vodafone aftësi për të ofruar një komunikim të unifikuar në Gjermani duke marrë avantazhe nga banda e gjerë me shpejtësi të lartë të Kabel. Do ti zgjerojë gjithashtu komunikimin e konsumatorëve me bizneset në Gjermani.

Kjo marrëveshje do ti jap operatorit me 5 milion abonentë të bandës së gjerë, 7.6 milionë abonentë direkt të televizionit dhe 32.4 milionë abonentë mobil në Gjermani.

Aksionerët e Kabel Deutschland kanë mundësi deri më 30 shtator të pranojnë ofertën e Vodafone shkruhej në një deklaratë për shtyp nga kompania.

Pranga drejtorit te bankes

Është arrestuar mbrëmjen e së martës, me kërkesë të Prokurorisë së Korçës dhe me vendim gjykate, drejtori i filialit të një banke të rëndësishme të nivelit të dytë në qytetin e Bilishtit. 

Ai është shtetasi Blendi Topalli dhe, sipas policisë, akuzohet për vjedhjen e 13 milionë lekëve të reja nga llogaria e një klienti të bankës.

Policia thotë se arrestimi u bë pas disa muajsh hetime dhe se Topalli e ka përdorur këtë shumë të grabitur për blerjen e pasurive të ndryshme.

Android shenon rritje fitimesh

Sipas studimit më të fundit të tregut nga ABI Research është arritur në përfundimin se deri në fund të vitit 2013 të ardhurat nga aplikacionet e sistemit Android mund të arrijnë deri në 6.8 miliard $, vlerë e dyfishuar krahasuar me vitin e kaluar.

Në qoftë se do të bënim një krahasim me sistemin iOS të Apple mund të themi se ky i fundit qëndron një hap para përsa i përket shumës së të ardhurave që siguron nga sistemi operativ.

Megjithatë pozicioni i liderit duket se po tronditet disi nga përhapja në masë e smartfonëve me sistem Android, këtë e tregon edhe raporti 3:1 i këtij viti për smartfon Android : smartfon iOS.

Përveç përhapjes masive të smartfonëve Android, një faktor tjetër të rëndësishëm përbëjnë edhe reklamat që shfaqen në aplikacione. Google ka qenë gjithnjë i suksesshëm në realizimin e reklamave efektive dixhitale dhe në identifikimin e audiencës së duhur për shfaqjen e tyre.

Së fundmi mund të themi se synimi i Android për përfshirjen e pagesave ndaj aplikacioneve nëpërmjet kreditit të telefonit mund të shërbejë si një faktor deçisiv kundër pagesave të kufizuara të iOS. Këto lloj pagesash janë vërtet shumë të suksesshme krahasuar me kartat e debitit ose kreditit. Kjo është vënë re sidomos në tregjet në zhvillim ku mbizotërojnë smartfonët ekonomikë.

Borxhi, vazhdon rritja

Borxhi i Shqipërisë arriti në 871.8 miliardë lekë ose gati 8.7 miliardë dollarë në fund të gjashtëmujorit të parë. 

Të dhënat zyrtare të Ministrisë së Financave tregojnë se, krahasuar me fundin e vitit të kaluar, borxhi publik u rrit në gjashtë mujorin e parë me rreth 43.6 miliardë lekë ose afro 436 milionë dollarë. Rritja e fortë i dedikohet shpenzimeve të larta të Qeverisë në gjysmën e parë të vitit që u financuan nga huamarrja agresive në treg.

Ministria vlerëson se në total detyrimet e vendit, në fund të qershorit arritën në gati 62 për qind e prodhimit të përgjithshëm kombëtar nga 61.5 që ishin në fund të 2012-ës. Pritshmëritë janë që deri në fund të vitit shifra rritet sërish, përtej këtij niveli.

Që nga viti 2007, borxhi i Qeverisë është rritur me gati 8.5 pikë përqindje ndaj prodhimit kombëtar. Rritja më e fortë ishte ajo e vitit 2009, ku për shkak të shpenzimeve të larta që financuan rrugën durrës kukës, borxhi kërceu me gati 5 pikë përqindje.

Ngadalësimi i fortë i ekonomisë dhe deficitet e larta të Qeverisë e kanë vendosur borxhin në një trajektore të pandalshme rritjeje. Fondi Monetar dhe banka botërore thonë se ky është një kurs i rrezikshëm për qëndrueshmërinë financiare të vendit duke i bërë thirrje në më shumë se një rast Qeverisë të ndalë rritjen e borxhit.    

Apple me strategji te re ne treg, te padegjuar

Zhurma për daljen në treg të iPhone 5S dhe versionit “low cost” (me çmim të lirë) 5C sa vijnë e përforcohen. 

Megjithëse nuk ka asnjë datë apo njoftim zyrtar nga ana e Apple, përflitet se të dyja produktet e reja do të dalin në muajin shtator. Por së fundmi, kompania amerikane, vec prodhimeve të reja vjen edhe me politika të reja.