Vjen dhe hapi i parë fals i Bayern Munich në kampionat. Bavarezët u ndalën në barazim 1-1 përballë Freiburg në Mage Solar Shtadion, ndeshjen e javës së katërt të Bundesligës.
Nuk shkëlqen skuadra e Guardiolës e rreshtuar pa yjet e saj kryesorë në këndvështrimin e sfidës së Superkupës së Europës me Chelsean e Mourinhos që do të luhet të premten në Pragë.
Për sfidën me armikun e vjetër Mourinho, Guardiola la fillimisht jashtë Ribery, Mandzukic, Robben, Boateng, lkahm e Alaba, praktikisht 6 titullarë, 7 nëse llogarisim dhe Thiago Alcantarën e dëmtuar.
Kurioz fakti që edhe këtë herë nuk kishte vend për Javi Martinez, edhe njëherë jashtë 11-shes titullare e ndoshta dhe me valixhet gati.