Gjigandi koreano-jugor i elektronikës po tenton të bëhet gurthemeli i parë në shndërrimin e celularëve smart në një objekt që mund të mbahet në kyçin e dorës.
Siç konfirmohet nga vetë Samsung, dalja e parë është parashikuar për më katër shtator me një eveniment të dyfishtë, njëri në Nju Jork dhe tjetri në Berlin, në panairin më të rëndësishëm të elektronikës në Evropë.
Megjithatë, online janë shfaqur pamjet e para të objektit që tregojnë skemat e funksionimit. Nga këto pamje konfirmohet prania e NFC-së, shkurtimi i ‘Near Field Communication’, ose teknologjia që lejon çiftëzimin e dy dispozitivëve pa kabëll thjesht duke i vënë pranë njëri-tjetrit.
Mes funksioneve është edhe aplikacioni misterioz ‘Find my watch’, ndërsa ‘My Apps’ dhe ‘Samsung Apps’ sugjerojnë se objekti do të mund të lejojë edhe shkarkimin e aplikacioneve të tjera.
