Në këtë 10-vjetor, Skype publikoi disa të dhëna rreth trafikut të përdorimit. 300 milion përdorues numërohen në mbarë botën aktualisht të cilët në total në 10 vite kanë shpenzuar 1.4 triliard minuta bisede video dhe audio.
Nëpërmjet një postimi në faqen zyrtare, objektivi i Skype është realizimi i video-thirrjeve 3D.
“Po punojmë në laboratorët tanë mbi mundësinë për të ndërtuar ekrane 3D dhe sisteme për kapjen e imazhe tre dimensionale”, deklaroi për BBC Mark Gillet, zv.president i Microsoft për Skype.
Skype u themelua në vitin 2003 nga dy inxhinierët estonezë, Niklas Zennstrom dhe Janus Friis. Në vitin 2005 e-Bay bleu këtë shërbim për 2.5 miliard dollarë, ndërsa 6 vite më vonë, Microsoft hedh 8.5 miliard dollarë në arkën e e-Bay për të bërë të vetin shërbimin.
Që prej asaj kohe, vlera e këtij shërbimi ka qenë gjithnjë në rritje. Nga një projekt prej disa-mijëra dollarësh, sot është një sistem i tërë global komunikimi që kushton dhjetra miliard dollarë.
